Red Lions niresbakan ang Altas | Pilipino Star Ngayon
MANILA, Philippines — Bumangon ang San Beda University mula sa 14-point deficit sa third period para resbakan ang University of Perpetual Help System DALTA, 62-60, sa NCAA Season 99 men’s basketball tournament kahapon sa Filoil Centre sa San Juan City.
Humakot si Fil-Canadian forward Jomel Puno ng 12 points at 17 rebounds para sa ikalawang dikit na arangkada ng Red Lions na nagtaas sa kanilang record sa 5-2.
Bigo ang Altas na maideretso sa tatlo ang kanilang pananalasa para sa 3-5 marka.
Mula sa 28-52 pagkakabaon sa Perpetual sa third quarter ay bumalikwas ang San Beda, todo-kapit sa third place sa team standings, para agawin ang 56-55 abante mula sa tres ni Emman Tagle sa 7:32 minuto ng fourth period.
Samantala, tinakasan ng Jose Rizal University ang Lyceum of the Philippines University via double overtime, 88-87.
Isinalpak ni Jonathan Medina ang isang banked shot sa huling 8.2 segundo ng ikalawang extra period para sa 5-3 marka ng Heavy Bombers at ibinaba ang Pirates sa 6-3.