UC Webmasters wala gihapo'y pilde, 6-0 na | Banat

CEBU, Philippines — Ang University of Cebu (UC) Webmasters milista sa ikaunom nilang sagunson nga daog human gibugha ang Southwestern University (SWU)-Phinma Cobras, 73-57, sa Cebu Schools Athletic Foundation, Inc. (CESAFI) Season 23 Men's Basketball Tournament niadtong Domingo didto sa  Cebu Coliseum.

Si  John Carl Angelio miposte og 12 puntos samtang sila si Luther Leonard ug John Herben Linares mikimada og 10 puntos matag usa alang sa Webmasters nga nagsolo na sab karon sa liderato sa college division bitbit ang perpektong 6-0 rekord nga maoy labing nindot nilang sinugdanan sa 23 ka tuig nga kasaysayan sa liga.

Ang Webmasters abante lamang og usa ka lugas, 17-16, human sa unang kuwarter apan maoy midikta sa dagan sa duwa sa nahibiling bahin dayon na ngadto sa paglubong sa Cobras og 16 puntos.

Si Kyle Maglinte maoy bugtong double-scorer uban ang 16 puntos alang sa Cobras, nga nakatilaw sa ikalima nilang pilde sa unom ka duwa.

Sa laing collegiate match-up, ang Felipe R. Verallo Foundation College (FRVFC) Blue Dragons miwani sa University of the Philippines (UP)-Cebu Fighting Maroons, 66-60,  alang sa labing una nilang daog sa CESAFI.

Ubos sa pagtimon ni coach Titing Manalili,  ang Blue Dragons mi-arangkada ngadto sa sayong  16-12 nga labaw ug dayon gipabuthan og 22-10 nga bomba ang Fighting Maroons sa ikaduhang kuwarter aron pagestablisar og 16 puntos nga bentaha sa halftime, 38-22.

Misuway og gukod ang Fighting Maroons apan gipakgang sila si Blue Dragons gikan sa dakbayan sa Bogo amihanang bahin sa Sugbo.

Si Keann Terrence Planco mihipos og 14 puntos, samtang si John Ernie Gellego midonar og 12 puntos alang sa makasaysayanong kalamaposan sa Blue Dragons nga misanta sa unom ka sunod-sunod nilang malas.

Sa juniors level, ang City of Bogo Science and Arts Academy (CBSAA) Trailblazers ug ang University of Cebu (UC) Baby Webmasters  way kaluoy nga mikulata sa tagsa-tagsa nila ka mga kontra.

Sila si Franz Albao ug Felix Rogasajo mitagak og 20 puntos matag usa sa dihang gimasaker sa Trailblazers ang Don Bosco Technical College (DBTC) Greywolves, 133-40.

Si June Brian Alipato mitali og 16 puntos, si Anfernny Illustrisimo mi-iskor og 14, samtang sila si Karl Dosdos ug