7 Army boxers swak sa semis ng ROTC Games National Finals | Pilipino Star Ngayon

MANILA, Philippines – Pitong pambato ng Philippine Army ang umabante sa semifinals ng boxing event ng 2023 Reserve Officers’ Training Corps (ROTC) Games National Championships kahapon sa Dacudao Center sa Rizal Memorial Sports Complex.

Ang mga nanalo sa quarterfinals ay sina Joeler Efondo, Justin Laurezo, Vince Argie Lomboy at Jade Cabaya sa flyweight division at sina Florence Sumpay, Renz Puyong at Rodrigo Lumogda sa featherweight class.

Dimonina ni Efondo si Roland Medez ng Navy, 5-0; habang tinalo ni Puyong si Ric Baron ng Air Force, 5-0.

Wagi sina Larurezo, Cabaya at Lumogda kina Neil Quinton ng Navy, Christian Dave Perez ng Air Force at Bryl Bayogosia ng Army via default, ayon sa pagkakasunod.

Pinabagsak naman ni Lomboy si James Kert Valdez ng Air Force sa second round papasok sa semis.

Swak din sa semis si Joerge Lamigo Jr. ng Air Force sa kanyang Referee Stopped Contest (RSC) win sa second round kay Edcel Vilar ng Navy.

Sa volleyball sa TUP Gym, binigo ng University of Negros Occidental Recoletos ang Tarlac State University, 25-20, 25-8, 25-20, at dinaig ng Adamson University ang Jose Rizal Memorial State University, 25-16, 25-13, 25-23.

Nanaig ang Rizal Technological University sa Guimaras State University, 25-14, 25-20, 16-25, 25-17.

Nagsimula na rin ang mga laban sa kickboxing sa Dacudao Center at ang arnis sa Ninoy Aquino Stadium.