Ateneo babangon laban sa UE | Pang-Masa
MANILA, Philippines — Pilit na babangon ang nagdedepensang Ateneo sa kabiguan sa kanilang pakikipagtuos sa University of the East sa UAAP Season 86 men’s basketball tournament sa MOA Arena sa Pasay City.
Sasagupain ng Ateneo ang UE ngayong ala-1 ng hapon matapos ang sultada ng nangungunang University of the Philippines at Far Eastern University sa alas-11 ng umaga.
Lalabanan ng National University ang University of Sto. Tomas sa alas-4 ng hapon bago ang salpukan ng De La Salle University at Adamson University sa alas-6 ng gabi.
Nakalasap ang Blue Eagles ng 71-74 overtime loss sa Falcons tampok ang game-winning triple ni Vince Magbuhos.
Nagmula ang Red Warriors sa 65-58 pagpulutan sa Tamaraws matapos bumangon mula sa 14-point deficit para sa kanilang ikalawang panalo sa tatlong laro.
Solo ng Fighting Maroons ang liderato sa kanilang 3-0 kartada kasunod ang Falcons (2-1), Green Archers (2-1), Bulldogs (2-1), Red Warriors (2-1), Blue Eagles (1-2), Tamaraws (0-3) at Grow-ling Tigers (0-3).
