Stags pinigilan ang Heavy Bombers | Pang-Masa
MANILA, Philippines — Tinapos ng San Sebastian College-Recoletos ang kanilang dalawang sunod na kamalasan matapos gibain ang Jose Rizal University, 72-59, sa NCAA Season 99 men’s basketball tournament kahapon sa FilOil Centre sa San Juan City.
Balik sa porma ang Stags sa kanilang 2-3 record kasabay ng pagpigil sa three-game winning streak ng Heavy Bombers na nahulog sa 4-2 marka.
Umiskor si Jessie Sumoda ng 15 points habang may tig-12 at 11 markers sina Raymart Escobido, Alex Desoyo at Romel Calahat, ayon sa pagkakasunod, para sa San Sebastian.
Kumolekta si Agem Miranda ng 15 points, 8 rebounds, 2 assists at 2 steals sa panig ng Jose Rizal.
Mula sa 31-31 pagkakatabla sa halftime ay kumawala ang Stags sa third period sa likod nina Sumoda, Desoyo at Escobido para kunin ang 55-46 abante.
Nagawa naman ng Heavy Bombers na makadikit sa 57-62 sa fourth quarter matapos ang three-point shot ni rookie Shawn Argente.
Sa ikalawang laro, su-mandal ang College of St. Benilde kina Robi Nayve at Migs Oczon sa fourth quarter para paluhurin ang University of Perpetual Help System DALTA, 86-80.
Ito ang ikatlong panalo ng Blazers sa anim na laro, samantalang nalasap ng Altas ang ikaapat na kabiguan sa limang laban.
Ipinoste ng St. Benilde ang 20-point advantage, 75-55, bago nakalapit ang Perpetual sa dulo ng final canto.
