Pirates tinuhog ang final four seat | Pang-Masa
MANILA, Philippines — Pinormalisa ng Lyceum of the Philippines University ang pagtusok sa Final Four ticket matapos takasan ang sibak nang San Sebastian College, 83-80, NCAA Season 99 men’s basketball tournament kahapon sa Filoil Centre sa San Juan City.
Ibinuhos ni Enoch Valdez ang kanyang 18 points sa second half para tulungan ang Pirates na ilista ang 12-4 kartada at makasama ang Mapua Cardinals (13-3) sa semifinal round.
Nagtala rin si Valdez ng 8 rebounds, 7 assists, 2 steals at 3 blocks, habang kumolekta si Gyle Montaño ng 22 markers, 4 boards at 2 assists sa kanilang pagbango mula sa naunang kabiguan sa Perpetual Altas noong nakaraang Linggo.
Dumausdos ang baraha ng Stags sa 5-11.
Nakuha ng Mapua ang isa sa dalawang ‘twice-to-beat’ incentive na puntirya rin ng Lyceum kung mananalo sa talsik ang Arellano bukas o sa San Beda sa Martes.
Kinuha ng Baste ang 42-34 halftime lead bago maiwanan sa 76-83 sa 2:23 minuto ng fourth quarter.
Hindi naipasok ni Romel Calahat ang panabla sana niyang triple sa huling posesyon ng Stags na nakakuha kay Alex Desoyo ng 22 points.
Samantala, iniligpit ng Mapua ang talsik nang Arellano, 84-75.